François Rabelais - Топики_ Доклады _Сочинеия_Рефераты на Французском - Иностранные языки - Каталог файлов - AlexLat
Главная » Файлы » Иностранные языки » Топики_ Доклады _Сочинеия_Рефераты на Французском

François Rabelais
06.12.2013, 21:24
François Rabelais (v. 1483-1553)

Gargantua, chapitre 7

En cest estat passa jusques à un an et dix moys, onquel temps, par le conseil des médecins, on commença le porter, et fut faicte une belle charrette à beufs par l’invention de Jehan Denyau . Dedans icelle on le pourmenoit par cy par là joyeusement; et le faisoit bon veoir, car il portoit bonne troigne  et avoit presque dix et huyt mentons; et ne crioit que bien peu; mais il se conchioit à toutes heures, car il estoit merveilleusement phlegmaticque  des fesses, tant de sa complexion naturelle que de la disposition accidentale qui luy estoit advenue par trop humer  de purée septembrale . Et n’en humoyt goutte sans cause, car, s’il advenoit qu’il feust despit, courroussé, fasché ou marry , s’il trepignoyt, s’il pleuroit, s’il crioit, luy apportant à boyre l’on le remettoit en nature , et soubdain   demouroit coy   et joyeulx. Une de ses gouvernantes m’a dict, jurant sa fy , que de ce faire il estoit tant coustumier, qu’au seul son des pinthes  et flaccons il entroit en ecstase, comme s’il goustoit les joyes de paradis. En sorte qu’elles, considerans ceste complexion divine, pour le resjouir, au matin, faisoient davant luy sonner des verres avecques un cousteau, ou des flaccons avecques leur toupon , ou des pinthes  avecques leur couvercle, auquel son il s’esguayoit, il tressailloit, et luy mesmes se bressoit  en dodelinant de la teste, monichordisant   des doigtz et barytonant du cul.

 
Категория: Топики_ Доклады _Сочинеия_Рефераты на Французском | Добавил: alexlat
Просмотров: 112 | Загрузок: 0 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]